Мэдээллийн технологийн мэргэжилтнүүдийн ур чадварыг дээшлүүлэх олон улсын түвшинд хүргэх зорилгоор Мэдээллийн технологийн үндэсний парк, Мэдээлэл, Шуудан,  Харилцаа  Холбоо, Технологийн Газар, Азийн орнуудын мэдээллийн технологийн мэргэжилтнүүдийн шалгалтын зөвлөл /ITPEC/-тэй хамтран “Мэдээллийн технологийн инженерийн шалгалт”-ыг 12 дахь удаагаа 2012 оны 4 дүгээр сарын 29-ний өдөр зохион байгуулахаар бэлтгэл ажлуудыг ханган ажиллаж байна.
Тус шалгалтын систем нь 4 түвшинтэй ба Монгол улсад мэдээллийн технологийн инженерийн стандартад үндэслэн эхний 3 түвшнийг нэвтрүүлээд байна. Энэ удаагийн хаврын шалгалтаар 1-р түвшин буюу мэдээллийн технологийн паспорт шалгалт, 2-р түвшин буюу мэдээллийн технологийн инженерийн суурь шалгалтуудыг зохион байгуулна. Эдгээр шалгалтуудад тэнцэгч нь Азийн 12 оронд хүлээн зөвшөөрөгдөх олон улсын сертификат гардан авах боломжтой болох юм.

Асар хурдтайгаар хөгжиж ирээдүйн чиг хандлагыг тодорхойлж буй Мэдээлэл, Харилцаа Холбооны салбарын өндөр технологийг бүх салбарт нэвтрүүлж, түүний хэрэглээг олон улсын жишигт хүргэн нэвтрүүлэх замаар мэдээлэлжсэн нийгмийн хөгжлийг хурдасгах тухай Монгол Улсын Мэдээлэл, Харилцаа Холбоо, Технологийн талаар 2021 он хүртэл төрөөс баримтлах бодлогод тодорхойлсон билээ. МХХТ-ийн өндөр технологийг төрийн болон төрийн бус байгууллага, их дээд сургууль, өмчийн бүх хэлбэрийн аж ахуйн нэгж зэрэг бүх салбарт түгээн дэлгэрүүлэх, нэвтрүүлэх ажилд судалгаа шинжилгээ, хөгжлийн давуу талуудын оролцоог нэмэгдүүлэх зорилгын хүрээнд